كتب الأستاذ روبير الهاشم:
الكلّ عم يحكي انو حرب روسيا ع أوكرانيا هيي لمنع حلف الناتو من التقدم نحو روسيا وبالتالي منع دخول أوكرانيا بحلف الناتو، ليش الناتو وامريكا تركو أوكرانيا من دون مساعدة وراحو يعملو عقوبات ع روسيا؟
خلونا نفكر بطريقة تانية..
المسألة، من وجهة نظر تانية عالشكل التالي: كل دول العالم غرقانة بالديون، لمين؟ لأصحاب البنوك= روتشلد، روكفلر وباقي الشلة الشيطانية المتحكمة بالعالم.
بسنة 2019 وصل الدَين العام ع مجمل دول الكرة الأرضية لـ 300 ٪ من الناتج القومي لكل الدول 🤔، بعدين إجا برنامج كورونا، إقفال وتسكير شركات وطبع عملات وتوزيعها عالناس ت يضلّو ببيوتن، يعني زاد الدين وين مكان وتضاعف. وبلشو يحقنو الناس بما يسمى زوراً “لقاح” (زوراً لأنو طلع ما بيمنعك تمرض)، دفعت الشعوب مليارات الدولارات لتاخد هيدا المسمى لقاح (لمين دفعت؟ للبنك الدولي اللي بيملكو بشكل اساسي الل بيملك البنوك المركزية بالعالم، وباقي البنوك أيضا ، كمان هيدا زاد من الأزمة المالية العالمية. كل شي غلي وبكل الدول، بأميركا، بالدول العربية بأوروبا.. حتى الشحن زاد شي 9 مرات عن قبل. مثلاً، كان يكلّف شحن الكونتينر 1500 $ صار يكلف هلأ 12000 $ ورح يزيد أكتر مع ارتفاع أسعار المحروقات نتيجة “الحرب” الأوكرانية. ونتيجة برنامج كورونا، عم يسحبو من الناس مصرياتن ع “الطعم” والكمامة والتعقيم وأدوية العلاجات والـ pcr .. وبلش يزيد النقص الغذائي بالكرة الأرضية كافة، سنة 2019 كان 8.4 ٪ وصار بالـ 2020 أكتر من 9 ٪ (بحسب الأمم المتحدة) وبعد ما عندي احصاء 2020 بس طبعا زاد أكتر.
بكندا، بلش تحرك أصحاب الشاحنات اللي رافض للتطعيم الإلزامي من شي شهر، والنتيجة نقص بالمواد الغذائية أكتر وأكتر. وهلأ، البرنامج مكمّل، “الحرب” الروسية الأوكرانية (ورح نشوف أمور غيرا بدول وأقاليم تانية بعدة مناطق بالعالم)، طبعا روسيا بترفض يتمدد حلف الناتو شرقاً أكتر من هيك، بس برجع بسأل، ليش الغرب ترك أوكرانيا وحدا وبدون مساعدة؟ كان قادر يوقّف الحرب بمجرد إعلان إنو أوكرانيا ما رح تفوت بالناتو!
ما عمل هيك لأنو بدو يستعمل سلاحو الأقوى اللي هوي العقوبات، وهيدي العقوبات رح بتزيد من غلا الأسعار ومن نقص بالمواد الغذائية وغير الغذائية، وبالتالي سحب مصريات الناس أكتر وأكتر وصولاً للشّح بالمواد وخصوصاً الغذائية المرتقب انو يصير بالخريف (عالمياً ومش بس لبنانياً) وبالتالي التوجه نحو مجاعة رح تضرب الكرة الأرضية كرمال الناس تقبل بالنظام العالمي الجديد بحلول 2030، حكومة واحدة عالمية وبنك واحد عالمي مع سيطرة تامة عالبشر كافة. (راجعو كتاب كلوس شواب رئيس المنتدى الاقتصادي العالمي the Great Reset). برنامج مكتوب وعلينا نفهم لوين رايحين.
ع فكرة، بورس حونسون، انجيلا مركل، ماكرون، رئيس وزرا كندا.. هودي كلّن خريجي المنتدى الاقتصادي العالمي برئاسة كلوس شواب، وما ننسى زيارة ماكرون لبوتن قبل اسبوع من اندلاع الحرب وكيف تبهدل عندو😉. نصيحتي: تجهزو، تحضرو ، تموّنو ، زرعو زرعو زرعو ، لأن الشبعان الحرّ ما بيرضى بأي نظام، الجوعان بينفرض عليه أي نظام.
