علم الأرقام عملية حسابية من ضمن علم الرياضيات، لكن في البعض بياخدوا هالعلم لمطرح تاني، على منظومة العادات والمعتقدات والشعوذة والتحليل النفسي، ولا بل بيعملوا ربط بين الأعداد والأحداث بفذلكة تنجيمية، إلها أول ما إلها آخر، بيصدّق البعض وبيتناغم مع خدعة مصادفات الأرقام، وبيتأثروا فيها لدرجة البرمجة الفكرية والخيالية وبيوقعوا تحت سحرها الأسود، والبعض عندن الحصانة الإيمانية والعلمية لتبقى الأرقام عندن مجرد أرقام مهما كان وقع جمال لفظها أو تكررها بالشكل والمضمون، وما بيهتموا كثير لمصدافة تاريخ وتوقيت مثل 22/02/2022 الساعة 2 و22 دقيقة و22 ثانية.. أو غير تاريخ أو توقيت..
لكن مصادفة نتيجة جمع أرقام تاريخَي انطلاق الحربين العالميتن الأولى والثانية مع انطلاق العملية الخاصة الروسية تجاه أوكرانيا، بتخلينا نسأل كيف ممكن تتكرر مصادفة الأرقام بأحداث عالمية هالقد مهمة وخطيرة..
أولاً خلونا نستعرض التواريخ:
ومفروض مصادفة الأرقام تكون النتيجة ذاتها مهما غيرنا الطريقة الحسابية.
لهيك سقطت مصادفة نفس النتيجة وقت غيّرنا طريقة الجمع..
بالخلاصة، النتيجة ذاتها بأي طريقة جمع أرقام تواريخ الحرب العالمية الأولى والتانية، ومختلفة بتاريخ انطلاق العملية الروسية على أوكرانيا، إذ بدنا نصدق علم الأرقام، لازم ما نخاف من نشوب حرب ثالثة.. واذا ما بدنا نصدق علم الأرقام.. كيف منفسر تطابق نتيجة جمع تواريخ بداية الحرب العالمية الأولى والتانية؟
لكن أي عملية حسابية لازم تنتهي برقم واحد.. لهيك رح نتابع ويكون عنا الجدول التالي:
بهالمعادلة بكون الرقم الأخير والمشترك رقم خمسة، هالرقم حسب تفسير وتحليل الأرقام هو رقم الحروب، بيسيطر عليه مارس إله الحرب..
بدون شك عم نعيش بالعالم أشكال عديدة من الحروب، حروب نفسية، إقتصادية، إجتماعية، إعلامية، أخلاقية، بيولوجية، تكنولوجية، تدميرية، عنفية و..
ومش معروف إذا الحروب ناطرة مصادفة الأرقام، أو الأرقام بتسبّب الحروب؟
مجرد سؤال..
