بحجة الميثان الحيواني.. لحوم إصطناعية بالأسواق.. ومين ورا هالاختراع؟

اللوحة أعلاه من تصميم المخرج الفنان Garabet Tahmajian

 

اكتشف علماء التغيير المناخي قبل سنوات، علاقة مباشرة، لفضلات وغازات أو -بوضوح اكثر “ضراط” البقر- (يللي بينتج غاز الميثان) بالاحتباس الحراري، وتتآخد قرار دولي بتخفيض الثروة الحيوانية بالعالم لتخفيف التلوث..

هالخبر العلمي على أهميته بيصير موضوع شك إذا تم استغلاله، لدرجة تأسيس شركة اسمها Nature fynd باميركا، لتصنيع اللحوم البديلة والحليب البديل، طريقة التصنيع بتعتمد على تخمير الميكروب البركاني وتحويله لمادة غنية بالبروتين خالية من الكوليسترول والدهون وطعمها أطيب من اللحوم “الطبيعية”.. وحسب الشركة انو إنتاجها خلال سنوات رح يكفي كل البشرية على الكرة الأرضية..

خبر غاز الميثان الحيواني مع خبر شركة تصنيع لحوم مزيفة بتبقى خارج نظرية المؤامرة، للحظة، بتكتشف انو الداعم الأول لهالشركة ويللي حامل لواء الحفاظ على البيئة وحماية الكرة الأرضية ما هو إلاّ رجل العلم والتكنولوجيا والمال والاعمال وصاحب الخبرات بالاوبئة واللقاحات والأدوية والنشاطات الخيرية، رجل كل المواسم التجارية بيل غيتس.. وأكثر شي ملفت وقت يستعمل الملياردير العالمي لتسويق صناعته من اللحوم البديلة حجة “الرفق بالحيوان، وتخفيض التلوث”..

بعد هالوقائع رح نطرح مجموعة تساؤلات.. إيجابية:

  • شو علاقة تسويق مخاطر غاز الميثان الحيواني مع تأسيس شركات تصنيع لحوم بديلة؟
  • ليه غاز الميثان الحيواني منذ التاريخ ما كان يشكل خطر على الكرة الأرضية؟
  • ليه ما تتآخد قرار استعمال غاز الميثان بانتاج الطاقة البديلة مثل ما تم استعمال غاز ميثان النفايات بانتاج الكهرباء؟
  • ليه وقت كانوا أجدادنا يستعملوا فضلات الحيوانات كسماد زراعي، كانت الخضرا صحية أكثر، وما كان في صراع تجاري على إنتاج السماد؟
  • شو الكلفة الاقتصادية على قطاع المنتوجات الحيوانية الطبيعية، مقابل أرباح سجلت السنة الماضية لهالشركة تقدر بـ7 مليار دولار؟
  • بوقت المخاوف مستمرة من انقراض بعض الحيوانات، تخفيض مقصود لعدد البقر والغنم بالعالم مش ممكن يشكّل خلل في التوازن البيئي؟
  • يللي خايف على الأرض من التلوث بسبب غاز الميثان الحيواني، ليه ما بخفض استهلاك الطاقة بقصره الخيالي وبطيارته الخاصة وبشركاته الأسطورية؟
  • معدل غاز المثيان الحيواني اديه حجمه بالنسبة لملوثات معاملكن ومصانعكن؟
  • ممكن نعرف هاللحوم المصنعة شو تأثيرها على صحتنا وبالأخص عالمدى الطويل؟

– هل تسويق هالنوع من اللحوم رح يكون تجارياً أو عبر أهل الاختصاص من أطباء وأجهزة صحية وبيئية بالعالم؟

– شو علاقة التسويق لمنتوجاتكن مع ربط مرض الأعصاب والدماغ الشبيه بـ “كروتزفيلد جاكوب” المنتشر بكندا بتناول لحوم بقر مصابة بجنون البقر؟

وكل متابع لهالموضوع عنده المزيد من التساؤلات..

– رح نختم بالسؤال الأهم والأبرز: مين انت يا بيل غتيس مع كل شركائك، لتتدخلوا بشغل الله عالأرض؟

– مين انت يا بيل غتيس؟؟؟ انت رجل مهووس بالمال وبتستعمل العلم لجني الأرباح؟

– انت الحاكم الفعلي للعالم بسبب انجازاتك التكنولوجية والعلمية والاستهلاكية، او انك عم تسعي للسيطرة المطلقة عالعالم بابتكارات خيالية؟

– مين انت أيها الرجل الخارق، كيف قادر تفهم بكل شي وبكل المجالات؟

– مين انت يا بيل غتيس انت إله عالأرض أو شيطان على شكل إنسان؟

التعليقات